Міжусобна війна князів Ізяслава, Святослава і Всеволода Ярославичів проти князя полоцького Всеслава Брячиславича (1067 р.)

   В лето 6575. Заратися Всеслав, сын Брячиславль, Полоцкий, и зая Новгород; Ярославичи же трие, Изяслав, Святослав, Всеволод, совокупившие вой, идоша на Всеслава, зиме сущи велице.
   И придоша ко Меньску, й Меняне затворишася в граде; си же братья взяша Менеск, [и] исекоша муже, а жены и дети вдаша на щиты, и поидоша к Немизе, й Всеслав поиде противу. И совокупишася обои на Немизе, месяца марта в 3 день, и бяше снег велик, [и] поидоша противу собе; и бысть сече зла, и мнози падоша, и одолеша Изяслав, Святослав, Всеволод, Всеслав же бежа. Посемь же, месяца нуля в 10 день, Изяслав, Святослав [и] Всеволод, неловавше крест честный к Всеславу, рекше ему: “приди к нам, яко не створим ти зла”; он же надеявся це-лованыо креста, перееха в лодьи через Днепр. Изяславу же в шатер предидущю, и тако яша Всеслава на Рши у Смолиньска, преступившие крест. Изяслав же привед Всеслава Кыеву, всади и в поруб с две-ма сынома.